Байланыс мәліметтері

«Kazakh Tourism» ҰК» АҚ өз қызметі барысында Қазақстан Республикасының заңдарын жане халықаралық тәжірибеде мойындалған корпоративтік басқару қағидаларын басшылыққа алады.

Компанияның корпоративтік эиткасы мен мәдениеті Қоғамның қызметіне қатысатын және мүдделі барлық тұлғалардың құқықтары мен мүдделерін құрметтеуге құрылған, олар өз кезегінде Компанияның мына құндылықтарына ортақтасуға міндеттенеді:

кәсіпқойлық және өз ісіне берілушілік

ашықтық пен адалдық

қоршаған ортаны қорғау

үздіксіз білім және даму

заңдылықты сақтау және сыбайлас жемқорлыққа төзбеушілік

өзара сыйластық және командада жұмыс істей білу

қауіпсіздік нормаларын сақтау

«Kazakh Tourism» ҰК» АҚ Жалғыз акционердің компания пайдасының үлесін алу құқығын іске асыруды қамтамасыз етеді.

Таза табысты бөлу және оның дивидендтер төлеуге бағытталатын бөлігін айқындау тәртібі, дивидендтердің мөлшерін айқындау тәртібі, оның ішінде оларды төлеу мерзімдері, орны мен нысаны Қоғамның Жалғыз акционерінің 2020 жылғы 26 қарашадағы шешімімен бекітілген «Kazakh Tourism» ҰК» АҚ дивидендтік саясатымен реттеледі.

Жыл қорытындысы бойынша жай акциялар бойынша дивидендтер төлеу туралы шешімді Жалғыз акционер қабылдайды.

«Акциялардың мемлекеттік пакеттеріне дивидендтер және ұйымдардағы мемлекеттік қатысу үлестеріне кірістер туралы» Қазақстан Республикасы Үкіметінің 2020 жылғы 27 наурыздағы №142 қаулысына сәйкес «Kazakh Tourism» ҰК» АҚ дивидендтер төлеуге «Kazakh Tourism» ҰК» АҚ-да жылдық қаржылық есептілікте көрсетілген таза кіріс сомасының кемінде 70 (жетпіс) пайызы мөлшерінде таза кірістің бір бөлігін жібереді.