Байланыс мәліметтері

«Қоғамдық кеңестер туралы» Қазақстан Республикасының Заңына сәйкес «Kazakh Tourism» ҰК» АҚ Қоғамдық кеңесі құрылды.

Қоғамдық кеңестің негізгі мақсаты азаматтық Қоғамның қоғамдық маңызы бар мәселелер бойынша пікірін білдіру болып табылады.

Қоғамдық кеңес қоғамдық бақылауды ұйымдастыру және Қоғам қызметінің ашықтығын қамтамасыз ету, азаматтар мен жұртшылықтың шешімдерін қабылдау кезінде олардың мүдделерін білдіру, азаматтық қоғаммен өзара іс-қимылды дамыту үшін құрылған.

Квазимемлекеттік сектор субъектілері құратын қоғамдық кеңестердің өкілеттіктеріне мыналар жатады:

• ұлттық басқарушы холдингтердің, ұлттық холдингтердің және ұлттық компаниялардың даму жоспарларының және іс-шаралар жоспарларының жобаларын талқылау;
• ұлттық басқарушы холдингтердің, ұлттық холдингтердің және ұлттық компаниялардың даму жоспарларының және іс-шаралар жоспарларының іске асырылу есептері мен мониторингін талқылау;
• қаржылық-шаруашылық қызметтің нәтижелерін талқылау;
• Қазақстан Республикасының заңнамасын жетілдіру жөніндегі ұсыныстарды әзірлеу және мемлекеттік органдарға енгізу;
• қызмет бағыттары бойынша комиссиялар құру;
• Қоғамдық кеңес туралы ережені бекіту;
• осы Заңда көзделген нысандарда қоғамдық бақылауды жүзеге асыру.

Қоғамдық кеңестің құрамына коммерциялық емес ұйымдар мен азаматтардың келесі өкілдері кірді:

1. Ақтымбаева Әлия Сағындыққызы, Әл-Фараби атындағы ҚазҰУ рекреациялық география және туризм кафедрасының меңгерушісі;

2. Бисембаева Багила Мубараковна, «FORTUNATA» ЖШС директоры Астана қаласының Өңірлік іскер әйелдер кеңесінің төрағасы,«Ақниет» жеке қорының қамқоршылар кеңесінің төрағасы;

3. Боровая Наталья Алексеевна, Veters.kz туризм туралы республикалық порталдың редакторы;

4. Жүнісов Серік Қайратұлы, Шығыс Қазақстан Туристік қауымдастығының атқарушы директоры, «Катонқарағай ауданының тұрақты дамуы» ҚҚ атқарушы директоры;

5. Уәли Бауыржан Құдайбергенұлы, «Bazis Construction» ЖШС президенті;

6. Спицын Сергей Александрович, Экоактивист;

7. Өтешев Нұрлан Сүлейменұлы, Қазақстан Республикасы кәсіподақтар федерациясы төрағасының орынбасары Сегізінші шақырылған Астана қаласы мәслихатының депутаты, «Мерке шипажайы» АҚ ДК төрағасы, Тәуелсіз директор – «Toraigyrov University» КЕАҚ ДК төрағасы, «Салидат Қайырбекова атындағы денсаулық сақтауды дамытудың Ұлттық ғылыми орталығы» ШЖҚ РМК байқау кеңесінің мүшесі;

8. Махамбет Қабдулқайырұлы Хасенов, «Нефтебаза Альмерек» ЖШС бас директорыVII сайланған Алматы қаласы мәслихатының депутаты.

«Kazakh Tourism» ҰК» АҚ атынан Қоғамдық кеңестің құрамына К.С. Садвакасов, И.Н. Устимиров., сондай-ақ Сатып алуды бақылау жөніндегі орталықтандырылған қызметтің басшысы Р. А. Жансаитов кіреді.