Qazaq Geography, Visit Sharyn және Visit Altyn Emel кәсіпқойлар мен әуесқойларды Jerim-ai фото және бейне жобалар байқауына қатысуға шақырады.
Қазақстанның ұлттық саябақтарының табиғатынан шабыт алып, керемет сыйлықтар ұтып алыңыз!
Байқау 18 жасқа толған барлық тілек білдірушілер, Қазақстан Республикасының азаматтары, сондай-ақ ел қонақтары үшін ашық.
Байқау жеңімпаздарын демеушілерден бағалы сыйлықтар күтеді.
Сонымен қатар, жеңімпаздардың жұмыстары мен қатысушылардың үздік жұмыстары дүниежүзілік қорықтар мен ұлттық парктер күніне орайластырылған Алматы қаласындағы көрмеде ұсынылады.
Байқаудың мақсаты - Шарын және Алтын Емел ұлттық табиғи парктеріне деген қызығушылықты арттыру, экотуризмді және ұлттық саябақтардың табиғатын сақтау идеяларын насихаттау, фото және видео өнерді дамыту, сондай-ақ шығармашылық сала өкілдерін қолдау.
Жұмыстар келесі санаттарда қабылданады:
1. Пейзаж (табиғи нысандар, табиғат құбылыстары, жыл мезгілдері, тарихи-мәдени нысандар, панорамалық көріністер, макротүсірілім);
2. Ұлттық саябақтардың флорасы мен фаунасы;
3. Сюжет (уақыт пен кеңістікте түсірілген портреттер, оқиға немесе әрекет);
4. Түнгі түсірілім;
5. Бейне (сюжеттер).
Әр санатта бір жеңімпаз анықталады.
Сонымен қатар, көрермендердің көзайымы негізінде бір жеңімпаз анықталады.
Байқау кезеңдері
1 кезең: жұмыстарды қабылдау - 2022 жылғы 7-27 қараша аралығында
2-кезең: қазылар алқасы мүшелерінің әр санаттағы ең жақсы жұмыстарды таңдауы 2022 жылғы 28 қарашадан 4 желтоқсанға дейін
3 кезең: 2022 жылдың 5-11 желтоқсаны аралығында ұйымдастырушының әлеуметтік желілерінде онлайн дауыс жүргізу
4 кезең: жеңімпаздарды жариялау - 15 желтоқсан 2022 ж.
Жұмыстарды ұйымдастырушылардың, ұлттық парк қызметкерлерінің, саяхатшылардың, фотографтардың, видеографтардың және саяхатшы-блогерлердің өкілдерінен тұратын құзыретті қазылар алқасы іріктейді.
Жүлде қоры
"Пейзаж" санаты
Rixos Khadisha Shymkent-те екі адамға бір күнге жолдама. Сыйлық демеушісі - Rixos Khadisha Shymkent қонақ үйі.
"Флора және фауна" санаты
Іле-Алатау ұлттық саябағында бір тәулікке cabin-де тұру және Аюсай визит орталығында екі адамға арналған дәмді кешкі ас.
Сыйлықтың демеушісі - Тau-Tas және Аюсай визит орталығы.
"Сюжет" санаты
Esentai Fit+Spa премиум фитнес клубына үш айлық жазылым. Сыйлық демеушісі - Esentai Fit+Spa.
"Түнгі түсірілім" санаты
Керемет Rixos Turkistan-да екі адамға бір тәулікке жолдама және таң қалдыратын тарихи Түркістанға экскурсия.
Сыйлық демеушілері - Rixos Turkistan қонақ үйі және Visit Turkistan.
"Бейне" санаты
Esentai Fit+Spa премиум фитнес клубына үш айлық жазылым. Сыйлық демеушісі - Esentai Fit+Spa.
Көрермендердің көзайымы сыйлығы
Жаяу серуендеуден және физикалық белсенділіктен кейін денені қалпына келтіруге арналған жинақ және SPF-жемпір.
Сыйлық демеушісі: LULU
Көрермендердің көзайымы сыйлығы
Портфолиоңызды фотографтарға арналған арнайы маркетплейсте бір жылға орналастыру
Сыйлық демеушісі: Capture School
Байқаудың барысын қадағалап, қатысушылардың ең жақсы жұмыстарын бірінші болып көру үшін, Jerim-ai конкурсы туралы ережемен, конкурстың толық шарттарымен және жұмыстарға қойылатын талаптармен танысу үшін @visit.sharyn @visit.altynemel парақшаларына жазылыңыз!
Барлық қатысушыларға сәттілік тілейміз!