Kazakh Tourism ұлттық компаниясы «Көшпенділер ізімен: Астана маңы мен Ақмола облысы» жолсілтемесін әзірледі. Каталог туристерге аграрлық және ауылдық туризм элементтері бар саяхаттар мен бірегей бағыттарды ұсынады.

Туристер өңірге саяхаттарын алдын ала жоспарлай алады. Олар аутентикалық маршруттармен жүріп, 20-дан астам ауылдық туризм нысандарын аралауға мүмкіндік бар. Омарталар, қолөнершілер және бірегей фермалар – олардың бір парасы ғана.

Жолсілтеме арқылы туристер қай жерде глэмпингте түнеуге, маралдарды көруге және нағыз табиға атмосфераны сезінуге болатын жерлерді көрсетеді. Этнотурларда салт-дәстүрлермен және тұрмыспен танысуға, ұлттық тағамдарды дайындаудың құпияларын білуге, өз қолымен зергерлік бұйымдар мен мүсіндер әзірлеуге болады.

«Еліміздің әр өңірі саяхатшыларға туризмнің әртүрлі және танымал түрлерін ұсына алады. Біз Ақмола облысының агротуризмі туралы қажетті ақпаратты жинап, оны барлығына қолжетімді етуге шешім қабылдадық. Нұсқаулық туристерге жылдам бейімделуге және өңірге саяхат бағдарламасын жасауға мүмкіндік береді. Әр адам өлкенің бірегей орындары мен нысандарын таба алады. Жолсілтеме туристерге қажетті байланыс деректері бар агротуристік бағыттарды ғана емес, сонымен қатар қауіпсіздік техникасы бойынша ұсыныстарды және өзіңізбен бірге қандай киім алу керектігін де ұсынады», - деп атап өтті Kazakh Tourism ұлттық компаниясы Туристік өнімдер департаментінің бас менеджері Ерлан Шәкәрімов.

Жолсілтеме қазақ, орыс және ағылшын тілдерінде жарық көрді. Пайдаланушыларға ыңғайлы болу үшін каталог практикалық ақпаратпен, сондай-ақ туристер үшін пайдалы кеңестермен жабдықталған.