Бүгін Алматы қаласында Қазақстан Республикасының орталық мемлекеттік музейінде ҚР Мәдениет және спорт вице-министрі Ержан Еркінбаев халықаралық қолөнершілер форумы аясында креативті қоғамдастықпен, қолөнершілермен кездесу өткізді.

Оған қоғам қайраткерлері, креативті индустрия өкілдері мен қолөнершілер қатысты. 
Сондай-ақ, кездесуге алты ай ішінде бүкіл елді аралаған 72 жастағы саяхатшы-қолөнерші ақсақал Сәрсенбай Қотырашов қатысты. Барлығы ол 8000 км жаяу жүріп өтіп, аймақтардың барлық әкімшілік орталықтарын айналып өтті. Оның саяхатының басты мақсаттарының бірі елдің барлық қолөнершілерінің тізілімін құру болды.

Кездесуде вице-министр министрліктің алдында тұрған атқарылған жұмыстар мен міндеттер туралы қысқаша хабардар етті: "Бүгінде мемлекеттік деңгейде креатив саласын дамытуға жағдай жасалып жатыр. Сіздердің жұмыстарыңыз да дәл осы креатив саласының бір бағыты болып табылады.

Өткен жылдың соңында Үкімет креативті индустрияларды дамыту Тұжырымдамасын қабылдады және қазіргі уақытта ол жоспарлы түрде іске асырылып жатыр. 
Пандемия кезінде біз қолөнер қызметін реттеу мен ұйымдастырудан бастап шикізат жеткізу, мамандарды оқыту және маркетинг мәселелеріне дейін қолөнер саласының барлық осал тұстарын анықтайтын ауқымды зерттеу жүргіздік. 
Ендігіде сол зерттеу нәтижелеріне сүйеніп, жүйелі шараларды қолға алып, іске асыруымыз қажет"

Сұрақтарды шығармашылық саланың өкілдері, шеберлер, қолданбалы өнер саласындағы сарапшылар, сондай-ақ киноиндустриялардың өкілдері қойды.
Айтылған басымдықтардың ішінде мыналар бар:
- қолөнер индустриясының бәсекеге қабілеттілігін арттыру;
- қолөнершілерді мемлекеттік қолдау;
- қолөнер саласын коммерцияландыру мүмкіндіктері;
- өндіріс құру және шикізат мәселелерін шешу;
- қолөнер ісін қаржыландыру құралдарымен қамтамасыз ету;
- нақты ұлттық бірегейлікті, брендті құру.
Сондай-ақ, форум аясында Е. Еркінбаев креативті экономиканың жекелеген мәселелері бойынша азаматтарды қабылдады. Қорытындысы бойынша креативті қоғамдастықтың айтылған ұсыныстары министрліктің жұмысына және бақылауына алынды.
 
#халықпенкездесу