Астанадағы ORTA Creative Hub алаңында «Платонның сиқырлы әлемдері» экологиялық ертегілер сериясының тұсаукесері өтті. Кітаптың авторы - 12 жастағы автор және креатор Платон Нечаев. Мектеп оқушысы өзінің шығармашылығы арқылы тұрақты туризм, экологиялық мәдениет және табиғатқа ұқыпты қарау қағидаларын кеңінен дәріптейді. Кітап сатудан түскен қаржының бір бөлігі елорданың ботаникалық бағында геймификацияланған экологиялық маршрутты іске қосуға, көктемгі ағаш отырғызу бағдарламаларын жүзеге асыруға бағытталады.
«Платонның сиқырлы әлемдері» кітабы заманауи форматтар арқылы өскелең ұрпақтың назарын табиғатты қорғауға және экотуризмді дамытуға аударады. Жоба экологиялық білім мен саналы саяхаттың маңыздылығын көрсетеді.
«Бұл - екі жылдық жолдың нәтижесі: күмән мен сенім, бас тарту мен қолдау, өз арманыңа адалдық. Барлығы балалардың креативті, экологиялық және визионерлік ойлауын дамытуға арналған PLATON 5D білім беру бағдарламасынан басталды. Бұл - тұтынуға емес, қалыптастыруға, пайдалануға емес, қамқорлық көрсетуге үйрететін авторлық әдістеме. Платонның ертегілерінде табиғатқа жауапты көзқарасты қалыптастыратын және болашақтағы үздік қалаларды, үздік экокеңістіктерді және Қазақстанды бейнелеуге көмектесетін құндылықтар бар», - деп атап өтті Платонның анасы әрі жобаның негізін қалаушы Ирина Харитонова.
Тұсаукесер барысында Платон Нечаев ертегілерді жазу, экологиялық тақырыпты таңдау және EcoStories экожүйесін дамыту туралы әңгімеледі. Оған авторлық экологиялық кітаптар сериясын, геймификация элементтері бар экологиялық бағыттарды, интерактивті форматта экологиялық ойлауды қалыптастыруға арналған білім беру Telegram-ботын қамтиды.
Қонақтардың ерекше қызығушылығын PLATON 5D шығармашылық шеберлік сабағы тудырды. Оның аясында балалар қоршаған ортаны қорғау миссиясы бар өз эко-қаһармандарын жасады.
