Бірінші арнаның «Повара на колесах» тележобасы Қазақстанды таныстырды. Алматының гастрономиялық және туристік мәдениеті туралы шығарылым эфирге шықты.

Бағдарламада танымал шеф-аспаздар мегаполистің гастрономиялық мәдениетімен, тарихымен және туристік инфрақұрылымымен танысты. Көрермендер Алма-Арасан шатқалындағы қайнар бұлақтарды, жаяу жүргіншілерге арналған Арбатты, Жасыл базарды, ұлттық AUYL мейрамханасын тамашалай алады.

Осы аптада жексенбі күні Астананың мәдени және гастрономиялық ерекшеліктері туралы бағдарламаның бөлек шығарылымы көрсетіледі.

Тележобаның түсірілімі өткен жылы өтті. Бағдарлама халықаралық аудиторияны еліміздің мәдени көрікті жерлерімен, гастрономиялық дәстүрлерімен және туристік нысандарымен таныстырады.

Атап өткен жөн, өткен жылы Қазақстан аумағында бірқатар халықаралық тревел-жобалар түсірілді. Оның ішінде Euronews Travel, Amazon Prime Video және француздың M6 телеарнасы бар.